Muqaddimah….
Shalawat….
Santabi sapulu na harurung tu mora ni mora dijia nangkin hombang napuran nami na pertama buat mangaku sala sakaligus mangido moof sapanjang undang sakaligus mandokon ulang agoan. Jia on nangkin ma dapotma tama ni sambutan sian mora ni mora na marangka maranggi na markahanggi songoni maranak boru jia on tuk mada lomo dohot godang ni roa nami tinggal lagi boti di na mandokon ulang agoan disi len mora mada jami sadahatuturan jia di gadis ni morado inda agoan tai di obar adatna les na tangiondo dohot inteondo hamida di haratakon, dia hara ni i sai sangkut dohot sair mada di roa namida. Namarsapa salaos marguru mada hami ima boti di haja juguk ni mora nadi bagason. Sanga na layak dope ro ai ami surdu napuran goarna anso dong mada dalan nami marhata, dia onpeda nangkin madung dapotdo sambutan ni mora ni mora nadi haratakon jia son sindokon ni mora les na sauduran dope da hata dot hata na pertama ningroangku burangir tinggal di payakan nama hatanaima patujolo amu mambegei natuk mada hami marlomo ni roa. Oloda morani ni mora nami songoni mora niba nadi bagason. Songonon mada hami na marsapa salaos marguru tu mora ni mora sanga tarbiado roai pastak pago-pago baris-baris ni paradatan ni gadis ni mora na sian bagason anso hami boto mada mora nami sambar dot ukirna ragi dot bolangna nabuat boti si ipi-ipion nami di nalao modom si ingot-ingoton nami di nangot bettakda nian mora nami songon ompong-ompongdo. Ompong-ompong na nayang ma nian muda tarsongon batang bobando boban na nayangma nian pa obankon kamu di ami mora ni mora nami.
Bia sanoli mada mora nami songoni mora nami maradopkon kami naroon so adong doma laporkonon nami tu simatobangna na manyuru ami manyuruk sendal ni mora ni mora nibaon. Songono ma hatana.
Assalamualaikum Warahmatullahi Wabarakatuh
Penulis : Abdul Aziz Rangkuti