Adong sabi diikat dua
Nadi calong di paridian
Atia ami na suada
Nadong koum na pardulihon
Di Sihepeng alak si Adah
Mambuat salak di roba-roba
Dung marepeng anak ni ayah
Bahatdo Halak mambuat roha
Ringgas maho tu roba
Di Robado bondar pangkailan
Ringgas maho sikola
Sikolaido pangapus ni parkancitan
Silalat di Angkola
Bulung gadung di Mandailing
Ulangko mantak sikola
Anggo patunda ni bujing-bujing
Muda buah rambutan
Pas doi songon buah jailan
Muda dong tu adopan ni Tuhan
Hita sude dihisab amal kebaikan
Adong buah durian
Adong muse buah rambutan
Anggo dung sangandingan
Hita on sude mulak tu adopan ni tuhan
Muda di lambung ni sumur
Ulangko maroban layang-layang
Anggo dung tu liang kubur
Manyosal ma hita naso sumbayang
Muda salak di Sidimpuan
Dioban mai tu Simangambat
Muda dung nyawa inda di badan
Dioban hita tu liang lahat
Pili salak natabo-tabo
Di Sidimpuan bahat tokena
Nada bolak mamandang kayo
Natarutama denggan rohana
Baen aha marabit batik
Anggo inda margambar elang
Baen aha anggi marparas cantik
Anggo nasoradoho anggi sumbayang
Laba-laba mambaen sarang
Burung dara terbang melayang
Anggo ringgas iba sumbayang
Roha niba pe manjadi sonang
Sampuran di sigala-gala
Mamolus sian Panyabungan
Ringgas mada di waktu sikola
Anso sonang di hari kemudian
Adong layang-layang
Na sangkot di tungko-tungko
Muda iba ringgas sumbayang
Marmotor sedan tu sarugo
Ringgas marusaho
Anggo dapot nadi angan-angan
Ringgas kita puaso
Haranai sado kewajiban
Tujia peda tujia
Napasuo doi tu alak batak
Sonjia peda sonjia
Ulang durhako tu ayah umak
Muda dung marhonda
Ulang beho giot marrakit
Anggo nagiot sikola
Angkon na tahan doi markancit
Muda ro mada udan
Adong mai ronggur dot kilat
Rap hita pangidoon ma tu Tuhan
Anso salamat kita dunia akhirat
Mula dung di taba inda dioban
Inda marguna lak lak nabahat
Anggo dung nyawa inda di badan
Inda marguna harto na bahat
Songon jiama lapit ni sobanon
Mancitdo tu abaraon
Songon jiama le nasib ni badanon
Na ancitdo si pangomoon
Sugari najolo usuan buah pora
Nada songonon marduhut pahu
Sugari najolo ra au sikola
Nada songonon ngolu-ngolukku
Ringgas maho markobun tomat
So ulang tubu duhut marduri
Ringgas maho maramal ibadat
So ulang manyosal tu pudi niari
Usangka na onggang
Hapenan na leto
Usangka boru tulang
Hapenan na iboto
Ulang margoluk
Muda ke tu sabai
Ulang kamu oruk
Au darap non babai
Muda kehe tu saba
Ulang lupa maroban tajak
Muda naron marbada
Hamu sude ona sipak
Adong pelak ni motor sedan
Adong nalewat songon setan
Usangka na ompong
Rupa hara ni gayamu
Usangka mada pocong
Rupa baen apal ni badakmu
Nasopodo di padao
Anso tarbaen si batangi
Naposoma di lalaho
Apusma jolo mon-monmi
Ualapdo si tokok lonceng
Nadi balakang ni sikolai
U akui doho memang naganteng
Tai tarik majolo saraor mi
Ke au manaba bulu
Maradian di ginjang sopo
Muda wida anggi parbibirmu
Pas songon parbibir ni orbo
Motor anggi honda vario
Au puna motor bak layang
Nomor mu do anggi na upangido
Ilehenko nomor ni nantulang
Usangko ikan tori
Rupana ikan robus
Utatap sabolah kiri
Rupa alak si pargabus
Kehe mada padati
Obanonna batu bata
Kehe majolo dongan maridi
Muap bau ho ulala
Landit memang pusuk bi pahu
Muda di anyang tabo dei ningroangku
Cantik memang anggi rupomu
Tapi sayang baribado anggi solopmu
Eh le batik
Galape nasodong
Eh le nasib
Gandak pe nasodong
Muda nakehe anggi tu laru
Tolontg oban ikan pari
Anggo natutudo anggi rohamu
Keta uoban ko kawin lari
Dungdo anggi di tas-tas
Tinggal tungko dohot pahu
Dungdo anggi ke ho marbagas
Tinggal dangolna mada di au
Diirpas mada anggi kain
Na apit di tungko-tungko
Marbagas peho anggi tu na lain
Upainte ho anggi sampe jando
Motor anggi honda vario
Au puna motor bak layang
Nomor mu do anggi na upangido
Ilehenko nomor ni nantulang
Parmanuk di bola dua
Giot obanon marpadati
Asalma rap hita nadua
Uoban ko naik haji
Madung pas do songon bargot
Di batangnado gualna di sakatando ngirona
Madung dodas do au tarsonggot-songgot
Ida-idahan di rupona sura-suraan di sorana
Bunga mawarmu
Berduri-duri
Adong gambarmu
Di handphone ki
Muda mancalong pahu
Baenna tu arondukmi
Muda malungunko di au
Hubungima tu nomor ki
Muda palas tu Siabu
Inda bisa marpadati
Ulang layas rohamu
Aku ini calon mantri
Mula itatap bulan natorang
Tarida mai bintang-bintang
Ho anggi boru tulang
Andigan do ita tu pelaminan
Jambu nararai
Incat do dangkana
Namarbaju nararai
Namanisan do rupona
Mula kehe marparau
Ulang lupa mangoban dayung
Mula nagiot doho anggi di au
Painte ma au mulak kampung
Madabu unte godang
Ditalpokna bulung ni pau
Oooo ale boru tulang
Giot doho anggi di au
Asalma rap tu batunadua
Boban naborat pe uobankon
Asalma rap hita nadua
Mangan korat pe hu partaonkon
Dipanaek mada padati
Namaroban boja tu atupangan
Au on si bayo rangkuti
Nadenggan roha rupo na tampan
Padati-padati kucing
Obanonna arambir poso
Ooo ale bujing-bujing
Aku ini masih jomblo
Landit memang pusuk bi pahu
Muda di anyang tabo dei ningroangku
Cantik memang anggi rupomu
Tapi sayang baribado anggi solopmu
Muda maroban gunting
Ulang baen di cakukmu
Muda ho giot ma bujing
Ulang apal baen badakmu
Bukit tinggi kota budaya
Bukit barisan pulau Sumatera
Ma bujing maho anggi huida
Bungkus ma abitmu so kehe ita
Sigaret kretek timbako jawa
Asap kaluar berbau bunga
Anggo tola abang marsapa
Anggi na manis ise do gandakna
Ucarter motor tu Jerman
Dapotna motor tu London
U epek boru pulungan
Dapotna boru nasution
Adong kereta api
Adong buse odong-odong
Au si bayo rangkuti
Ulang dokon anggi au nasombong
Ganop tongkin markareta api
Na marsimpang di batu godang
Ganop tongkin au marnipi-nipi
Pasari-sari ho boru tulang
Kehe au mandurung
Dapot au incor tali
Baen ancit ni namalungun
Gambarmi ma utatap tatapi
Tujia peda tujia
Nangkon nai bolus doi ibu kota
Sonjia peda sonjia
Ulang donoki dongan narkoba
Manangkok orbo gom gom
Na manangkok disi layang-layang
Madung honok hutaonkon
Ulang nian malanglang gabe sayang
Jia adong rura
Disi adong mali mali
Jia adong huta
Disi adong boru tulang nami
Muda manyuan kopi
Ulang be suan parira
Anggo dung marjanji
Ulang beba ingkari
U inum kopi manis
Panganonna roti bulan
Uida ho nalom-lom manis
Marunau mar bulan-bulan
Bukando tano naso manarimo
Tai tanomando naso ra tubu
Bukando ami na urang usaho
Tai panyakitdo nasora sombu
Muda aek di sampuran
Na manjalaki rura mai pardomuan
Anggo madung katontuan na sian Tuhan
Nadung golompe malua doi sian tangan
Andilo najoloi
Adang kadangan mai sannari
Parjanjian najoloi
Tarimoon ni badan mai sannari
Di ginjang ni sabi
Tubu mai nasi-nasi
Janjimu najoloi
Diingotko dei sannari
Eh le batik
Galape nasodong
Eh le nasib
Gandak pe nasodong
Muda dung abis bulan rajab
Dapot mai bulan sakban
Muda dung aduk mamake hijab
Rupamu cantik dan menawan
Mula dung di taba inda dioban
Inda marguna lak lak nabahat
Anggo dung nyawa inda di badan
Inda marguna harto na bahat
Songon jiama lapit ni sobanon
Mancitdo tu abaraon
Songon jiama le nasib ni badanon
Na ancitdo si pangomoon
Sugari najolo usuan buah pora
Nada songonon marduhut pahu
Sugari najolo ra au sikola
Nada songonon ngolu-ngolukku
Ringgas maho markobun tomat
So ulang tubu duhut marduri
Ringgas maho maramal ibadat
So ulang manyosal tu pudi niari